எந்திரன் படப் பாடல்கள் தமிழ்ப்பாடல்களின் தரப்படுத்தல் வரிசையில் முதல் நான்கு இடங்களையும் பிடித்துள்ளன.

தமிழ், தெலுங்கு, இந்தி என இந்திய திரையுலகையே கலக்கிக் கொண்டிருக்கும் சூப்பர் ஸ்டார் ரஜினி, நடிக்க ஏ ஆர் ரஹ்மான் இசையமைத்துள்ள எந்திரன் படப் பாடல்கள் தமிழ்ப்பாடல்களின் தரப்படுத்தல் வரிசையில்; முதல் நான்கு இடங்களையும் பிடித்துள்ளன.

மியூசிக்வேர்ல்ட் தரப்படுத்தலில் கிளிமாஞ்சாரே… பாடல் தொடர்ந்து இரு வாரங்களாக முதல் இடத்தில் உள்ளது. அரிமா அரிமா பாடல் இரண்டாவது இடத்திலும், காதல் அணுக்கள் மூன்றாம் இடத்திலும், இரும்பிலே ஒரு இதயம்… பாடல் நான்காம் இடத்திலும் உள்ளன.

மிர்ச்சி தரப்படுத்தலில் கிளிமாஞ்சாரோ முதல் இடத்திலும், மற்ற மூன்று பாடல்கள் நான்காவது, ஐந்தாவது மற்றும் ஆறாவது இடங்களிலும் உள்ளன.

இந்தியிலும் எந்திரன் பாடல்கள் புதிய சாதனைப் படைத்துள்ளன. வீனஸ் ரெக்கார்ட்ஸ் அண்ட் டேப்ஸ் நிறுவனம் இதன் உரிமையை பெரும் விலைக்கு வாங்கியுள்ளது. இந்தியில் அரிமா அரிமா மற்றும் ரஹ்மான் பாடியுள்ள பாடல் பெரும் வெற்றியடைந்துள்ளன. ரஜினி நடித்த படம் ஒன்றின் பாடல்கள் இந்த அளவு இந்தியில் பேசப்படுவது இதுவே முதல்முறை. தெலுங்கில் ஏற்கெனவே பரபரப்பான விற்பனையில் உள்ளன எந்திரன் பாடல் இறுவட்டுக்கள்.